बर्दघाट प्रज्ञा प्रतिष्ठानले आधुनिक नेपाली आख्यानमा मनोविज्ञानका प्रवर्तक विश्वेवरप्रसाद कोइरालाको १११ औं जन्मजयन्तिको अवसरमा एक भव्य समारोह आयोजना गरि मनाएको छ ।
कार्यक्रमका प्रमुख अतिथि तथा बर्दघाट नगरपालिका नगर प्रमुख शम्भुलाल श्रेष्ठले कोइरालाको योगदानलाई उच्च मूल्यांकन गर्दै उहाँ विशिष्ट प्रतिभाका धनी रहेको बताउनु भयो ।
बिश्वेश्वर प्रसाद कोइराला साहित्यिक र राजनीतिक दुबै भुमिका ‘एक सिक्काका दुई पाटा’ जस्तै रहेको बताउनु भयो । कोइरालाको बहुपरोपकारी प्रभाव र व्यापक दृष्टिकोणका कारण आज सम्म पनि उहाँका कृतिहरु जनमानसमा लोकप्रीय रहेको श्रेष्ठले बताउनुभयो ।
कर्यक्रममा प्राज्ञ सभा सदस्य जिवनाथ पौडेल र दिपप्रकाश लोहनीले कोइरालाले साहित्यमा पुर्याएको योगदानको समिक्षा गर्दै उहाँको साहित्यिक विचारधारा र सामाजिक परिवर्तनमा योगदानको विश्लेषण गर्नुभयो
कोइरालाले नेपाली साहित्यमा मनोविज्ञानको प्रयोग गरेर सामाजिक र मानवीय मुद्दाहरूलाई चित्रण गरेका थिए। कार्यक्रममा उहाँको जीवन र कार्यक्षेत्रका विभिन्न पहलुहरूलाई समेटेर उहाँको योगदानलाई सम्मान गर्दै श्रद्धासुमन समेत अर्पण गरिएको थियो ।
बर्दघाट प्रज्ञा प्रतिष्ठनका कुलपती डा. घनश्याम न्यौपाने’परिश्रमी’ सभापती रहनुभएको कार्यक्रम सदस्य सचिव शरद पौड्यालले सन्चालन गर्नुभएको थियो
