काठमाडौँ — गैरआवासीय नेपाली संघ राष्ट्रिय समन्वय परिषद् साउदी अरबको अध्यक्षमा रविना अर्याललाई चयन गरिएको छ । साउदीमा पहिलो पटक महिलाले एनआरएनको नेतृत्व गर्ने अवसर पाएको हो ।
एनआरएनए साउदीको नवौं महाधिवेशनले अर्याललाई अध्यक्षमा चयन गरिएको हो । ‘साउदी अरबमा महिलाले अवसर पाएको छ । मैले पाएको अवसरलाई नेपाली समुदायको लागि पूर्णरुपमा उपयोग गर्दछु’, उनले भनिन्, ‘मलाई अध्यक्षको लागि योग्य ठान्ने सबै पार्षद् सदस्यहरुप्रति आभारी छु ।’
महाधिवेशनले वरिष्ठ उपाध्यक्ष उमेश भट्टराई, उपाध्यक्षहरु क्रमशः राजकुमार गिरी, कृष्णकुमार श्रेष्ठ, मनिष कोइराला र हेम सुवेदी रहेका छन् । महासचिव शुक्र तामाङ, सचिव ध्रुव कटुवाल, कोषाध्यक्ष योगेन्द्र श्रेष्ठ, सह–कोषाध्यक्ष दुर्गा बहादुर काउचा, युवा संयोजक विष्णु रावत, महिला संयोजक लक्ष्मी थापा मगरलाई चयन गरिएको छ ।
सदस्यहरू क्रमशः देवीबहादुर कार्की, युवराज पोखरेल, पदमबहादुर महत, दिपक ढुंगाना, अमृतबहादुर तामाङ, धर्मेन्द्र कार्की र ओमप्रकाश काफ्ले चयन भएका छन् । आईसीसी सदस्यहरू रामबहादुर क्षेत्री, दिपक रेग्मी र विशालकुमार श्रेष्ठलाई चयन गरिएको छ ।
यसअघि महाधिवेशनलाई सम्बोधन गर्दै साउदीका लागि नेपाली राजदूत नवराज सुवेदीले साउदीमा कार्यरत नेपाली श्रमिकलाई उद्धारदेखि राहदानी संकलन र वितरणमा एनआरएनएको भूमिका प्रशंसनीय रहेको बताएका थिए ।
