शाइन रेसुङा डेभलपमेन्ट बैंक, जिमिरेभार शाखाद्वारा वित्तिय साक्षरता कार्यक्रम सम्पन्न

साईन रेसुङा डेभलपमेन्ट बैंक लिमिटेड, जिमिरेभार शाखाले बर्दघाट नगरपालिका–१४, धर्मबस्तिको सामुदायिक भवनमा विदेशी रेमिट्यान्स प्राप्तकर्ताहरूलाई लक्षित गरी बित्तीय साक्षरतासम्बन्धी एक विशेष जनचेतनामूलक कार्यक्रम सम्पन्न गरेको छ।

कार्यक्रमको उद्देश्य सहभागीहरूलाई बैंक खाता सञ्चालन, नियमित बचतको महत्त्व, कर्जाको पहुँच, डिजिटल बैंकिङ सेवा, रेमिट्यान्सको प्रयोग तथा व्यवस्थापनबारे विस्तृत जानकारी प्रदान गर्नु रहेको थियो। साथै, हालका दिनहरूमा बढ्दो साइबर अपराध, ठगी तथा बैंकिङ फ्रडहरूबाट कसरी सचेत र सुरक्षित रहने भन्नेबारे व्यवहारिक जानकारी दिइएको थियो।

शाखा प्रमुख श्री दिपक भट्टराईको सञ्चालनमा सम्पन्न कार्यक्रमले सहभागीहरूलाई जिम्मेवार र सुरक्षित बैंकिङ अभ्यासतर्फ अभिमुख  गरीएको थियो।

कार्यक्रममा विदेशी रेमिट्यान्स प्राप्तकर्ता, स्थानीय समुदायका सदस्य, महिला समूह, युवा प्रतिनिधि तथा सरोकारवालाहरूको उल्लेखनीय सहभागिता देखिएको थियो।

शाइन रेसुङा डेभलपमेन्ट बैंकले यस्ता कार्यक्रमहरूलाई निरन्तरता दिँदै ग्रामीण तथा अर्धशहरी क्षेत्रका नागरिकहरूलाई बित्तीय ज्ञानमार्फत सशक्त बनाउने प्रतिबद्धता जनाएको छ।